مقاله

- ا

اسپارطەدە پولیس مأموری اولارق كورەو یاپمقدەیدم. داها مأموریتدە برنجی ییلم ایدیكە چالیشمش اولدیغم قرەقولڭ أوڭندە ترافیك قضاسی كچیردم. بوندن دولایی اوزون مدّت ایشە كیدەمەدم. بو اثنادە چوچقلغمدن قالمە الف با كتابی یانمدە بولونییردی. كندی كندیمە قرآن أوكرنمكە باشلامشدم. بو ارادە أشم دە محلّدەكی بعض خانملرلە آرقداشلق پیدا ایتمشدی. محلّەدن رحمتلی باسماجی عثمان آغابكڭ خانمی دیمش؛ قرآن أوكرتن خواجەلر وار، بزم آدم خواجە ایلە طانیشدیررسڭ. البتدە همان قبول ایتدم. ایرتسی كون باسماجی عثمان آغابكلە اولا امنیت سراینە كیتدك. اورادە رحمتلی باشقومیسرم محمد دمیر آغابكە اوغرادق برلكدە حالی سراینڭ آلت قاتندە٣٢ نمرودە، حالیجی حاجی مصطفی آغابكڭ دكاننە واصل اولدق. باباجان كولریوزلی، صاریقلی مصطفی آغابكە همان جانم قاینادی. بڭا بر الفبا ویردی اوراجقدە تعلیمە باشلادق ١٥ كون ظرفندە قوآنە كجدك. آرتق وقت بولدقجە یاننە كیدییردم. قرآنی اپیجە ایلرلتمشدمكە محترم خواجەم؛ییلماز سڭا عثمانلیجەدە أوكرتەلم ،بلند خواجەیە كیدەلم، بلند خواجەدن عثمانلیجە أوكرن دیمكە باشلادی. عثمانلیجە دیینجە چوق علاقدار اولدم . همان بلند خواجەنڭ بولندیغی مدرسەیە كیتدك او ساعت باشلادق یازمغە. بورادە بر پاراغراف آچایم. ایلك اوقول بشنجی صنفدەیدم،تاریخ درسندە استقلال حربنی اوقییوردق. یونان مظالمی، ائتلاف دولتلرینڭ عثمانلی یی آغیر بر یڭیلكی یە اوغراتمەلری قونولرینی ایشلركن اونلرین  یاپدقلری ظلملر، قتل عملر، او چوجق قلبمی چوق آجیتمش پك زیادە متأثر اولمشدم . ٖذاتاً أویمزدە كنل بر تورك تاریخی كتابی واردی اونی اوقیە اوقیە بندە پك صاغلام بر تاریخ شعوری یرلشمشدی. دیركن استقلال صواشی موضوعی بیتدی صیرە انقلابلرە كلدی، أوكرتمنمز حرف انقلابی قونوسنی آڭلاتییوردی، اسكی یازی یڭی یازی دیركن لاتینجە آلفابە دیدی بنم جانم چوق صیقیلدی. نە یعنی داها بر قاچ درس أوڭجە بزی تاریخدن سیلمك ایچون هر تورلو آلچقلغی ارتقاب ایدن لاتینلرڭ، حاچلیلرڭ آلفابەسنیمی قبول ایتمشدك. نیچون قبول ایتمشدككە. بو هیچ خوشمە كیتمەمشدی. اورتە و لیسە دورەسندە توركیەدە سیاسی اورتام چوق فنا ایدی طوپلوم ایكیە بولونمشدی. اكتیم أوكرەتیم، فكر اورتامی سكتەیە اوغرامشدی او هنكامدە بر داها بویلە قونولر هیچ عقلمە كلمدی. تاكە اسپارطەدە خواجە مصطفی افندی و بلند خواجە ایلە طانیشانە قدر. الحمد للە حالا اوقور یازارلغمز دوام ادییور اللە دائم ایلەسن . بری بكاعثمانلیجە ایشی یاپییورز، بزە قاتیل دیسەیدی بو بكا یتردی ذاتاً باشقە بر شی صورمازدم او نلرلە قدر ارقداشلغی یاپاردم. عثمانلیجە نام دیگر أسكی توركچە، تورك مدنیتنڭ تمل طاشیدر. یازی, دیلی محافظە ایدر. دیل ایسە دینی و مدنیتی محافظە ایدر. بو دخی ملّتڭ یوجلمسنی و مدنیتڭ تكاملنی نتیجە وریر . خاصةً تورك/ اسلام مدنیتی قرآن آلفابەسی ایلە محافظە ایدیلمش قوشاقدن قوشاغە تكامل ایدرك كونمزە اولاشمشدر. ایشتە بو سببلردن طولایی ألمدن كلدیگنجە عثمانلیجە یی یاشاتمەیی كندیمە وظیفە ایدیندم.